Lendas do Alén

Xorde como un proxecto dun grupo de estudantes de Telecomunicacións de Vigo un 7 de setembro nunha reunión organizada por Pedro, pensada para facer unha rede de músicos na facultade. Nesa reunión confórmanse dúas bandas, Fama, que desaparecería ao pouco tempo, e Lendas do Alén, centrada nunha convinación de covers de cancións de diversos xéneros e jam sessions levadas a cabo nos ensaios feitos no campus.

Os ensaios da banda comezarían tras a xornada de incendios en Vigo o 24 de outubro de 2017 nas instalacións do CUVI, chegando a alcanzar as 13 integrantes. Pese as negativas e problemáticas arbitrarias presentadas pola organización das salas de ensaio da Universidade de Vigo, a banda consigue ensaiar grazas ao apoio da Escola de Telecomunicacións, a cal facilita un espazo para almacenar o equipo da banda entre ensaios, incuindo unha segunda batería e amplificación.

Neste periodo numerosas integrantes entran e abandonan a banda por motivos de estudos e traballo, menguando ata as 6 integrantes. Ante as problemáticas do espazo e o cambio tan radical en número de integrantes o grupo migra ao faiado dos avos de Alex.

Ao final de 2021 a banda ten que deixar o faiado e se muda ao antigo local de O Fiadeiro, no Calvario, creando un espazo propio con zonas de ensaio e un taller no que desarrollar as ideas musicais e artesanais da banda.

É neste espazo que nace a idea de Jams do Alén en 2023, un evento que ten lugar cada dúas semanas co fin de explorar a viabilidade de realizar Jam Sessions sen organización previa para dar renda solta á creatividade e espontaneidade, e coñecer a novas persoas con similares inquedanzas.

É así como a formación acada a súa configuración actual, sumándose ao grupo varias das persoas repetidoras destas jams, que co tempo se expandirían fora do estudo baixo o nome de Jams no Alén.

É así que Lendas do Alén aúna a perspectiva do blues rock arxentino e do rock progresivo e psicodélico galego.